Fəaliyyətinin əsas istiqaməti vətəndaşların daşınar və daşınmaz əmlakının girov götürülməsi müqabilində onlara qısamüddətli kreditlərin verilməsi üzrə ixtisasmış kommersiya təşkilatlarıdır. Girov qismində çıxış edən qiymətli metallar, məişət avadanlığı və ya nəqliyyat vasitəsi tərəflərin razılığı əsasında lombard tərəfindən qiymətləndirilir. Borcalan lombarda girov qoyulan əmlakını müəyyən bir müddətdən sonra borc məbləği və ona hesablanmış faizləri geri qaytarmaq şərtilə geri götürmək hüququna malikdir.